♪°♪° Yanni – Playing by heart

موقع اليوتيوب اللـي هو اكبر موقع على شبكـة الانترنت يعتبر حاليا .. لرفع ومشاركة ومشاهدة مقاطع الفيديو .. عاد حنا كـ مستخدميـن ماعندنا تفاصيل عن موقع يوتيوب ولا هي مذكوره فالموقع نفسـه

في هالتدوينـه بوضح لكـم بعض الامـور عن اليوتوب . سنة تأسيسه تكلفته وقصة شراءه لقوقل ومؤسسينه وموظفينه وبعض الامـور الثانيـه

مؤسسي موقع اليـوتيـوب

.

مؤسسي موقع اليوتيوب هم ثلاثة موظفيـن مادري وش يحسون به خريجين جامعات وكانوا موظفين في موقع موقع PayPal تعرفوا على بعضهم هناك وطاحت الميانه وانواع الهياط والهروج عن انجاز مشاريع مستقبيلـه,

وبعـد هالهياط والكلام تحول الى واقع وخاصه بعد ماصارت صفقة موقع Ebay واشترى موقع PayPal بمبلغ 1.35 بليون دلاور .. وقتها كلن من الثلاثه خذا له مكافأه ماليـه وبدوا مشروعهم ( اليوتيوب )

فكرة موقع اليوتيوب بدت كانوا بحفلـة لواحد من ربعهم وانواع التصوير والفيديو .. ويبـون يشرونها ع النت بطريقه حلـوه ومالقوا الا انهم يسووا موقع لرفع افلام الفيديو .

خلينا اعرفكم عليهم اكثر

Chad Hurley (مواليد عام 1977) , مصمم كان في موقع PayPal وهو اللي صمم شعار PayPal. متزوج من ابنة المقاول الأمريكي الكبير Jim Clark صاحب مشروع Silicon Valley.

Steve Chen (مواليد عام 1978) , وُلد في تايوان.

^ مادري وش يبي من حياته ..

المهم هذا الثالث >

Jawed Karim (مواليد عام 1979) , وُلد في المانيا , مؤخرا مسوي جمعية لدعم الطلاب الجامعيين يدعمهم في مشاريعهم.

وكان اول فيديو على اليوتيوب من نصيب Jawed Karim

البدايـه:

بدايتهم كانت على قد حالهم , وفلوس راس المال  (12 مليون دولار) حصلوا عليها من مستثمرين , في البداية كانت “مكتبهم” داخل كراج لتصليح السيارات وبعدها انتقلوا الى مكتب “متطور” أكثر وفي النهاية بعد ماشرت الموقع جوجل  رتبت أمورهم وانتقلوا الى مركز قيادة منظم ومرتب.

الدومين

الدومين YouTube.com تم تسجيله يوم 15.02.2005 وخلصوا الموقع خلال اشهر معدوده.

التطور السريع

بصيف 2006 كان موقع يوتيوب واحد من اسرع المواقع اللي شطح فالنت بالطور .. وخلال سنه واحده كان ترتيبه العالمي في اليكسا ( 5 ) . وفي هالفتره كان يجيه 100 مليون مشاهد يوميا وكان يضاف فيه 65 الف مقطع فيديو كل 24 ساعه .. عدد زواره فالشهر كان 20 مليون زائر .. حوالي 700 الف زائر يوميا :D .

الاحصائيات

حسب الاحصائيات 56% من رواد الموقع هم ذكور , 44% اناث , والجيل السائد هو من 12-17 عام.

دخول جوجل

دخل قوقل بالسالفه واعلن عن شراءه لموقع اليوتيوب في تاريخ 13 – 11 – 2006  .. بمبلغ 1.65 بليون دولار < بليون لاحظ مو مليون ! المهم شرته بعد ماسوت اتفاقيات طويله عريضه مع شركات ميديا .. تنص الاتفاقيات على عدم تعرض موقع اليوتوب لشكاوي قضائيه بخصوص حقوق النشر . وكان نصيب العيال الثلاثه اللي فوق مربح مرتب من مئبات ملايين الدولارات

طبعا هذي مو اكبر صفقه لقوقل كانت الثانيه حيث ان قوقل الحين اشترت 46 مشروع ومن ضمنها كان شركة AOL بمبلغ 1 بليون دولار .. وشركة الاعلانات دبل كليك بمبلغ فوق مادري كم.

الموظفين

عدد موظفي موقع اليوتيوب حاليا هو 67.

شكاوى قضائية

بعض الشركات الكبرى رفعت شكاوي قضائيه ضد موقع اليوتيوب بسبب نشر مواد خاصه فيهم .. وبسبب هالشي يوتيوب خفض مدة الفيديو الى 10 دقايق بس لكن المستخدمين تجاوزوا هالشي وصاروا يرفعون الفيديو على مقاطع مجزأه كل جزأ 10 دقايق .

الوكاد ان هذي الشكاوي شجعت المستخدمين فاليوتيوب على رفع المزيد من مقاطع الفيديو ولما شافت الشركات ان مافيه فايده من هالشي وان هالحرب اليوتيوب فايزن فيها .. قررت التعاون مع اليوتوب عن طريق القنوات . حيث ان اليوتيوب انشأ لهم قنوات لنشر مواد هذي الشركات وهذي طريقة اعلان تكسب منها الشركات.

الحجب

تم حجب موقع اليوتيوب في بدايته بعدة دول لأسباب سياسية , من ضمن هذه الدول البرازيل , ايران , المغرب , تايلند , تركيا , الامارات , السعودية. بعض هذه الدول رفعت الحجب الكامل عن الموقع وأصبحت تحجب مقاطع معينة.

موقع utube

النجاح الباهر والسريع الذي حققه اليوتيوب كان بمثابة وجع راس لشركة أخرى موقعها على الانترنت هو www.utube.com , وهو موقع لشركة أمريكية بحيث كان زوار اليوتيوب يدخلون لموقعها عن طريق الخطأ بسبب التشابه بالدومينات مما تسبب بمشاكل للشركة فكان موقعها يتوقف بسبب اكتظاظه بالزوار الواصلين اليه بالخطأ. قامت الشركة بالتوجه للمحكمة مطالبة ان يتم تسجيل الدومين youtube.com على اسمها , ولكن المحكمة نظرت الى هذه القضية كقضية تافهة وطائشة وتم رفض الدعوى.

الباندويث المستهلك

معدل الباندويث الذي يستهلكه اليوتيوب شهريا هو 24,980,858 جيغا , مما يكلفهم بالشهر الواحد 1.2 مليون دولار , غير باقي التكاليف. (البعض يقول ان تكاليف الباندويث تصل الى 6 مليون دولار شهريا ! )

أرباح موقع اليوتيوب

هذي اللي الكل يدور عليها وانا منكم ..

وش هي ارباح اليوتيوب ؟ يقول المؤسسون ان الأرباح الشهرية قبل يشتريه قوقل كانت 15 مليون دولار من الدعايات , اما الحين فلا يوجد فالموقع الا بعض دعايات قليله من قوقل ادسنس , لكـن بما ان تكلفة الباندويث مثل ماقلت فوق توصل لـ 6 ملايين دولار ! فأكيد لازمهم شي عشان يغطون هـ التكلفه وللحين ماحد وصل للارقام الدقيقه لمربح قوقل من اليوتيوب والبعض يقدر ارباح اليوتيوب الشهريه الصافيه لاتقل عن 12 مليون دولار. طبعا الاخصائيين قالوا بان هالمشروع غير ربحـي ولكن هذا مايقلل من قيمته ولا يأثر على نجاحه حيث انه اشهر موقع على الانترنت من ابتدا ..

اووو بس

لكن طيب ود مني

عسول ..

اتمنى عجبكم :D

السـلام عليكم ورحمة الله وبركاتـه

تم بعون الله افتتـاح موقع مدوًّن .. وهو عباره عن موقع يسمح للزوار بانشاء مدونات مجانيه خلال ثواني ..

بنظام مدونات وورد بريس الرائعـه

لزيارة الموقع

http://www.mdwwen.com

السـلام عليكـم ورحمـة اللـه وبركاتـه

من 3 سنيـن .. فـي خاطري مشـروع المدونـه ..

افحـط بين المدونات

اقفل المتصفـح واروح لـوحة تحكم ( سيرفري ) .. بسوي موقع مدونـه خاصـه

ماتكلفنـي دقايق ..

ثـم اتكيسـل واقول خلها بكـرا .. ماني فاضي لها

و 3 سنيـن واخيـرا جا بكـرا ..

وكان قدامـي عقبـه واحـده ..

رابط المدونـه

ساعتيـن من البحـث عن رابـط او اسـم وجا اسم ( خربشه ) من اليأس من المحاولات والخربشه فالاسمـاء ..

مبروكه علي وعليكم المدونه .. وان شاء اللـه تشوفون كل خربشـه راقيـه ..