عاديه مثل هالاخبار عن مايكروسوفت كل يوم وهم متفشلين بحاجه .. وعارفين متصفح انترنت اكسبلورر اللي مادري وش يبي حتى CSS3 لحد الان مو داعمها .. والويب كله صار يعتمد على هالتقنيـه .. يالبى فايرفوكس بس . المهـم الخبر ان موقع يوتيوب وهو تابع لشركة قوقل وهو اشهر موقع لمشاركة الفيديو او اشهر موقع عالميا بعد قوقل نفسها .. بدأ باستخدام لغة الترميز الجديده HTML 5 اللي حاب يعرف عنها يدور بقوقل ..

وهالخطوه تسهل تشغيل مقاطع الفيديو عن طريق دمج الكود البرمجي الخاص بتشغيل الفيديو ضمن الصفحه نفسها .. يعني مايحتاج الواحد يركب فلاش بلاير عشان يشغل اليوتيوب . ولتجربة التقنيه الجديده من الرابط www.youtube.com/html5

الا انه في الوقت نفسه تشير لمجموعة من القيود حاليا على مقاطع الفيديو اللي راح تستخدم التقنيه الجديده ومنها عدم دعم الارتباطات الاعلانيه او التعليقات النصيه اللي كانت تظهر مع الفيديو

وبشكل غير مباشر، فقد وجهت شركة غوغل بهذا الإعلان ضربة إلى متصفح إنترنت إكسبلورر، والذي بدأ يترنح مؤخرا أمام موجة من التحذيرات الحكومية الرسمية التي تنصح بعدم استخدامه لتدني مستوى الأمان فيه، وذلك من خلال حصر الدعم في موقع يوتيوب القادم على متصفحات الإنترنت التي تستخدم تقنية تشفير الفيديو من نوع h.264، مثل غوغل كروم وسفاري وفايرفوكس،

في حين لا يتم استخدام هذه التقنية في متصفح إنترنت إكسبلورر، مما يجعله خارج اللعبة. < باي باي انترنت اكسبلورر

وبعيدا عن الجانب التقني للمسألة، فإنها تبدو من الناحية التجارية بمثابة الرد من غوغل على قيام مايكروسوفت باستبعاد متصفح كروم من قائمة المتصفحات التي تدعم نسخة الويب من تطبيقات أوفيس، فهل ذاقت مايكروسوفت في الإعلان الجديد مرارة الإقصاء التي حاولت أكثر من مرة جلبه للآخرين؟؟

هـع نفسي اشوف ملامح بيل جيتس بس :( وهو يشوف ان متصفحه فاشل .

ابتكر الباحثان السوريان سامي حمش وصاحب شوماف برنامجا بحثيا متطورا باستخدام الصورة واللون في محرك بحثي جديد ونالا براءة اختراع وموافقة مديرية حماية الملكية  الفكرية في وزارة الثقافة  السورية،تحت اسم برنامج أو محرك البحث ” مرجان”، في تاريخ 25/9/2009 .

وحول فكرة البرنامج وطريقة عمله ومقارنته بالمحركات العالمية  المعروفة، أوضح حمش وصاحب لموقع شام لايف ” أن طريقة البحث العادية تتم عادة عبر استخدام النص سواء للصورة أو ملفي نصي  بينما في ” مرجان” يكون موضوع البحث باستخدام الصورة وهذا أمر تقني غير مسبوق في محركات البحث المعروفة، ولكن أقرب تجربة لهذا البرنامج هي تجربة جوجل باستخدامه قاعدة بيانات ” فليكر” ،  والمستند البحثي فيه استخدامه الطيف اللوني” فعند فتح محرك البحث جوجل،  تنسدل لوحة ألوان تختار لونين أو ثلاثة حسب الباحث، مثلا تم اختيار اللون الأصفر وبعد إعطاء أمر البحث تظهر نتائج للصور الطاغي فيها اللون الأصفر وقد تظهر في الصفحة الواحدة 50 نتيجة وبعدد صفحات قد تصل إلى أكثر من 100 صفحة أي نحو 5 آلاف صورة ، وهذا قد يشكل إرباكا للباحث أو تأخيرا في انجاز عمله ، بينما في “مرجان” الأمر مختلف تماماً، فهو يجد الصورة نفسها موضوع البحث، مثلا عند تسجيل علامة تجارية هناك قاعدة بيانات من مئات العلامات التجارية،  فكل ما عليّ إدخال الصورة كعلامة تجارية جديدة ضمن البرنامج وإعطاء أمر البحث في قاعدة البيانات للعلامات التجارية فإذا كانت هذه العلامة موجودة ستظهر النتيجة مؤكدة أو ما يشابهها، و هذه فكرة جديدة ومختلفة عما هو مستخدم في جوجل.

وقال الباحثان حمش وصاحب أن البرنامج يمكنه الوصول إلى مقارنة الصورة والوجوه حتى لو تغيرت الظروف المعيارية لها، ومثال ذلك عندما تستخدم جهة أمنية ما في العالم ” بصمة العين” للتعرف على أشخاص محددين أو مطلوبين ضمن ظروف قياسية ومعيارية معتمدة على تماثل الدقة والإضاءة والبعد عن العدسة، فإذا اختلت إحدى هذه الشروط فلن يعود للصورة الملتقطة أية فائدة، إذ تكون المطابقة غير صحيحة للعين، مما يسمى “فشل في المطابقة” . لقراءة المزيد »

البعـض .. ياخذ فكـره ان كـل صاحـب مدونـه لازم يكـون كاتب .. والمـدونه عباره عن مقالات أدبيـه وغيـرها .

فألقـى البعض يقـولي ( خاطري اسوي مدونه ) .. طيب سوي وش يردك !

يقـول ماني كاتب . ولا ني أديب

اعتقـاد خاطئ بأن المـدون لازم يكـون كاتب بالضـروره .

في مدونات نجـحت واصحابها اشخاص عادييـن ! مدونات تقنيـه .. مدونات ساخـره وغيرها من المحتـوى المفيـد

فالمدون هو اللي يكتب بحريه اكثر ليشارك الغير تجربتـه الشخصيه في شتى المجالات ان كانت مواقف يوميـه او خبرات عمليه او غيرها . دون وسيط نشر

يكتب اللي يشوفـه ويحسـه ولاهو بحاجه للاستفاضه في التفكير ويمكن البحث عن مصادر لما يكتب .. مصدره هو ذاته وخبـراته .

اضف لذلك المدون لايهتم للصيغ اللغويه الصحيحه .. بقدر مايهتم بايصال المعلـومه والفكره . فربما تكون التدوينه صور او فيديو فقـط !..

بعكس الكاتب يشترط ان يتوفر له سقف كاف للثقافه والاسلوب المميز والفلسفه والقدره الابداعيه والمصداقيـه .

وبالتالي المكان يكون اكثر حريه للمدون .!

فالنهايـه الكاتب فهو كاتب ومدون اما المدون فليس بالضروره ان يكـون كاتب .

اترك لكـم التعليق عن الفرق بين مدون وكاتب .

السـلام عليكـم

اللي عنـده ويندوز 7 اكيـد يعاني من المسنجر الجديد معاه ..

ان المسنجر الجديد لما تسوي له تصغير ماينزل جمب الساعـه تحت

يبقى ملزق ع شريط المهام

وخاصه لاكنت فاتح اكثر من مسنجر حوسه يصير الشريط تحـت

المهم عشان ترجعه لايقونه نفس الفيستا والاكس بي او نفس اصدارات المسنجر القديمه

روح لايقونة المسنجر

كليك يمين .. خصائص Proprties

ثم على توافق Compatibility

حدد على ايقونة الاختيار تشغيل هذا البرنامج في وضع التوافق

Run this program ..

ومن القائمه حدد على Windows Vista

بس سوي موافق

طبعا لازم تكون مصكر المسنجر كامل .. بالاول

بعض المواقع يجيك توه ماسكن له كيبـورد ويفحـط ويسوي موقع والاف تي بي مع نص اللي يعرفهـم هذا يرفع شل ويجرب وهذا يخزن ملفات .. وحاله وحوسه

وهو مايدري وش FTP او FileManager

ويمكن يطلب منك الباسوورد يبي يدخل السي بانل يضبط بريد او اي حاجه .. ولكن مايحتاجه لرفع ملفات لقراءة المزيد »

واللـه حالـه :(

فيـه ناس مادري عن طريقـة تفكيـرهـم

هـو مرض او نقـص او ايش مادري .. ادخل اللـوحه القى التعليـقات بانتظار الموافقـه

واحـد يسب وواحد كاتب كـلام مادري وش يبـي

وواحـد داخل بالزحمـه غلط مايدري اللـه وين حاطه

ياخـي اذا ماتعرف تسولف وتكتـب السكـوت ترا افضـل .. بالله يعنـي سبيت وكتبـت ومادري ايش

واجي انا بضغطة زر واحذفـك واحذف تعليقـك .. وش استفـدت

او بالاسـاس ليش تكتـب وش استفـدت يعنـي ؟

تـدوينـه ان كانت عجبتـك تكتب رد لائق حيـاك ماكتبت بعـد اسعـدني انك تقـراها

ماعجبتـك ناقشني بشي معقـول .. يمكـن انا غلـط .. ولكـن لكلـن وجهة نظره واختلاف الاراء لايفسـد للـود قضيـه

تدوينـه ماعجبتـك عادي استقبـل ردك واعتراضـك ولكـن بحـدود الأدب ..!

امـا الردود التهجميـه والسـب .. ماعرف ليش ! هذي مشكلتنا دايـم .

احيان ادخل موقع العاب فلاش مثلا مفعلين التعليقات تلقائيا .. تلقـى انواع المسبـات

شوفوا اليوتيـوب ولا مقطـع الا تلقـون التعليقات فيه سب وهواش ومادري ايش ..

على شو طيـب هالكلام كلـه محاسب عليـه

مثـال
قال رجلٌ ُ جاهل لطالب علم ( طالب علم مو عالم ! ) اختلف معه في مسألة و قال له ( يا حقير)

ملاحظه : ياحقير لو قيلت لواحد فينا قوم الدنيا وقعدها ..

المهم

قال له طالب العلـم : رميتني بكلمة من أربعة حروف
الحاء : فأقول لك : حباك الله بمنـّه بعلم ينفعك في الدنيا والآخرة
القاف : فأقول لك : قرّبك الله منه وأعلى منزلتك

الياء: يمـّنَ الله كتابك ويسّر حسابك

الراء: رفع الله درجتك في أعلى عليين

بنكـون مثلـه مع اللي يخالفنا الرأي وماطعـن ومالعـن ؟
سؤال بسيـط !

ودايم تـذكر

مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ

- مرحبا خالـد

هلا مرحبتيـن

- شلـونك

بخير الله يسلمـك .. وش فيك ضايـق ..

- ياخي خلها على ربـك ( ويبتـدي يسرد قصـة حياته وآالامه ومعاناتـه ) وهو عايش احلـى عيشـه ..

وحكيت له هذي القصـه اللي صارت معـي بيـوم :

عنـدي احد الاشخاص ع المسنجـر ماسك له موقعـه دعم فنـي .. وبيني وبينه جوال ومسنجر فقـط ماشفته ولا شافنـي .. انسان راقي ورائع بمعنـى الكلمـه , اجبرني على احترامه بذوقـه وأدبـه

وسوالفنا ع المسنجر كانـت بس .. لين جاء يوم وعزمنـي غدا .

قلت ابشر .. قال بودي لك احد ياخذك .. عذرته قلت بنفسي يمكـن مشغـول بشي او انه يجهز

رحـت ووصلت بيتـه

وادخـل من الباب بسلـم على هالرجال اللي مابيني وبينـه كان الا شاشـه

دخلـت .. وقفت دقيقـه مكاني حتى السـلام ماذكر طلع منـي او لا ..

الا بـ شخص ممـد على كرسـي متحـرك بوسامه ماتنوصـف .

يناظرنـي مبتسـم .. قال ارحـب ابو وليـد .. وراك مستحـي لو اني بنـت كان جيت تركـض .. ويضحـك

ابتسمـت وقربت منـه.. بالقـوه رفع يـده بيسلـم علـي .. قربت وبستـه على راسـه ..

علـومك واخبـارك .. وانا في حالـة ذهول .. احاول اتمالـك نفسي شوي لاتطيـح دمعـه ..

ومشيناها ضحك ومزوح ليـن جا الغـداء ..

جسمـه كله مايتحرك الا راسـه ويدينـه ! لا وبعـد اصابع يده مسكـره ! مايقدر يمسـك شي

اكلـه .. لازم واحد يطعميـه ..

خلصنا وجلس بيشتغل على كمبيـوتره

ماشاء الله عليـه .. اصابع يده ماتتحـرك ويدق الكيبورد وقبضة يده مسكـره واسرع مني بالكتابـه

ماشاء اللـه عليه

خلصـنا وسلمـت عليـه والله وجلسته ماتنمـل ..

طلعت بيوصلني ولـد عمه

تجرأت وسألتـه .. وش السبب

قال فـلان كان من وجيـه العشيـره .. كان فارس وشاعر .. وراعي سباقات ومعروف .. جاته عيـن وسوا حادث .

من بعد الحادث تعالـج ولكن رجع انتكـس وله اكثر من 5 سنين على هالحال

وسبحـان الله فيه عزيمـه اكثر من اي شخـص .!

مع اللـي فيـه ماشكى .. ولا قال ليش وليش .. مستمـر ويضحك ولا على بالـه

وييييين الحيـن الواحـد لاخسـر له مبلغ صغير يقعد اسبوع يتحـسر ! ولا لاصابه مكروه بسيـط

اللـه يثبتـه ..

همسه له وهو غايب ( كبير بعيـني واللـه ) ..

وفـلان يشكـي لـي .. على سالفـه خفـت اضحـك عليه واهب بوجهـه ..

ياخي قول الحمـد لله على كل حال ..

شـي قاهـرني احـس بيجينـي كآبـه مزمـنه لو ماعبـرت عن المكنـون وبحـت مافي خاطـري من جـواهـر .

هالمـوضـوع كنـت كاتبـه بأحـد المواقـع العربيـه الكبـرى على قـولتهـم ولكـن سرعان ماقضبـوني البـاب < يمـديكم على سرعـان ..

تعرفون ترايد نت ؟ ايه معروف منتـدى تقنـي

حقين القيـم والاخلاق وتنظيم سوق الاستضافه ومادري ايش .. والناس تسمع لهـم .. بـدون ماطـول شـرح عنهـم .. مادري المنتـدى ان كان يستـحق الوصـف او لا .. مالي الحـق بأنـي اعطيـه اي تقييـم.. ولكـن المكنـون بخاطري هو سـؤال

من عطاهم حق بانهم يسمون نفسهم المواقع العربيه الكبرى ؟

جايبين اربع او خمس مواقع .. ومسوين اتحاد ويقولون حنا المواقع العربيه الكبـرى

بأي حق ؟ من اللي سماكم كذا ! وبناءا علـى أيـة اساس ؟

سميتـوا انفسكم بانفسكم وكبرتوا انفسكـم وتقولون حنا الكبـرى

على كذا

بجيب العيال وكلن له موقع ولا مدونه ونسوي اتحاد نفسكـم .. !

ترا عـادي ..

حاجـه تضحـك .. لان هالشـي اطلقـوه على انفسهـم .. بكيفـهم

علـى عيني ترايـد نت وكل المواقع العربيـه لكـن ليش ماكل خمس مواقـع سووا لهـم قروب وسمـوا نفسهـم الاتحاد الكبـرى ..

وتراكـم منتـديات ! مثلكم مثل غيركم

مثل اقلاع سوفت .. مثل مدرسة المشاغبين ! مثل سوالف سوفت .. وغيره وغيره من المنتديات الكبيره المعروفه

ليش ماسموا نفسهـم المواقع العربيه الكبـرى ؟

قال حاطين لي حراج مستعمل ! على اساس اكبر موقع مادري وش يبي وانا لي 11 سنه فالنت ماسمعت به الا من اتحادكـم ذا .

تبـون تنظمون سوق الاستضافـه ؟ بأي حق ؟ من اللي وكلكـم على سوق الاستضافـه والشركات .. وحفظ الاسعار ؟ وزاره ! او دائره ؟ او هيئه !

منتـدى تراكـم !

تقـومون على اللي مخالف ..! بأي حق ؟ اتوقع لو موضوعي هذا انعرف بترايد نت .. وش تسوون تحطوني بقائمة ( الشركات الغير مرغوب فيها ) حقتكـم

او ترفعـون علي دعوه ؟؟؟

اعتذر للعقـول المبدعه في ترايـد نـت ..

انا تكلمـت عن ترايد نت كـ ( مجرد منتدى فقـط) .. وعتذر عن كل شخص مشارك وابـدع فيه ..

فالنهايـه اتمنى الدوام والتوفيق لكـل من المواقع العربيـه الكبرى وغير كبـرى ..

وموضوعـي ماهو عدم تقدير لترايـد نت بالعكـس له مكانـه .. انا لي عضويه ومن الاشخاص اللي استفيد منه اشارك وافيـد ..

ولكن يبقى السؤال .. ( من اللي سماكم المواقع العربيه الكبرى وعلـى اي اسـاس  ) .. بس !

اطيب تحيـه

برستـيج .

السـلام عليكم ورحمة الله وبركاته

طريقة نقل موقع من سيرفر الى سيرفر بخطوتين .. عن طريق الشل ( الروت )
.

تفاجئت وانا اتصفح ببعض المنتديات التقنيه مثل ترايد نت .. سوالف .. وغيرها

مئات المواضيع او الاف كلها تتحدث عن طريقة نقل موقع

اللي يقول بالـ WHM واللي حاط مليون خطوه وخطوه واللي مادري ايش ..
وطبعا يجي مستخدم جديد توه مستلم روت ويحوس السيرفر فوق تحت عشان ينقل موقع ..

النقل خطوتين ولا اسهل منها ان شاء الله

اول شي معك بيانات الموقع الاول اللي تبي تنقله ؟ السي بانل ؟

خش السي بانل وسوي باك اب .. واذا كانت الخاصيه معطله كلم المستضيف القديم يسوي لك باك اب للموقع ( Full backup) ..

لحد هنا تمام :D تسوي الباك اب وتحطها ضمن مجلد www عشان تقدر تاخذها رابط

ولاتنسى التصريح خله 777 او 755 .. المهم انه يكون قابل للتحميل

الحين بعد ماخلصنا الباك اب وسويناه لنفرض انه صار رابطه كذا

http://www.sitename.com/user-17-1-2010-backup.tar.gz

شف كلمة user اللي فالاحمر .. هي تجي يوزر الموقع نفسه لما تاخذ له باك اب

الحين تروح تدخل السيرفر الجديد ( اللي تبي تنقل الموقع عليه ) ..

بتقولي اسوي اكاونت للموقع ؟ لا لا لا لا لاتسوي حاجه .. ادخل الروت بس وانت ساكت

اسحب الباك اب للسيرفر عن طريق

wget http://www.sitename.com/user-17-1-2010-backup.tar.gz

انتظر لين يخلص السحب

بعدها نفذ الامر ( ولاتنسى تبدل كلمة يوزر )

/scripts/restorepkg user

بس !.. كذا بيفرد الباك اب ويسوي اكاونت لليوزر نفسـه ويزرع قواعد البيانات مثل ماهي وكل شي يجي مكانه .. ماعليك غير تبدل الدي ان اس فالدومين
للسيرفر الجديد

اطيب ود ..

عسول

السـلام عليكـم

عارفيـن اصحاب المدونات ان الوورد بريس تجي دون كي ووردز ( الكلمات المفتاحيه )

ودون الدسكربشن ( الوصف )

اللي هي حاجه مهمـه لمحركات البحـث

هذا البلاق ان ..

http://wordpress.org/extend/plugins/all-in-one-seo-pack/

اضافه متميزه للورد بريس يسمح لك تضيف كي ووردز ودسكربشن .. لكل تدوينـه

تركيبه عادي فك ضغط الملفات وارفع المجلد لمجلد Plugin الموجود داخل مجلد الكونتنت

وفعله من لوحة التحكم وتوجه لخياراتـه .. الخيارات بالانكليزي .. ولكن سهله وماتحتاج شرح