درسنـا في احد مراحـل الدراسـه عن العالـم المثالي او المملكـه الفاضلـه لافـلاطـون حيـث تتجسـد فكـرتـه فـي أن يحكـم الفلاسفـه ويـديـرون شـئون الرعيـه وهـم اصحاب القـرار في نظـره لانهـم القادريـن على معرفـة مصلحـة الشعـب اكثر من بقيتـه الجهـلاء . فـ كان في اعتقـاد افـلاطـون ان الفلاسفـه هم اللذيـن اختارهـم اللـه سبحانه وتعالـى برجاحـة عقلـهم وذكائهـم للقـياده .. ومن المنطقـي في نظـره ان القـياده تكـون لهـم وبقيـة افراد المجتمـع مهمتهـم العمل الجسـدي اللذي لايحتـاج الـى عقول الفـلاسفـه .

بهـذا التفكيـر الفلسفـي لافـلاطـون قام برسـم لوحـه للدكتاتـوريـه حيـث انـه قسـم المجتمـع الـى طبقتيـن طبقـه السياسيـن ومستشاريهـم الفلاسفـه العارفين أحـوال الكـون بمنطقهـم ودورهـم الوصايـة على الشعـب .. ودور الشعـب هو اطاعـة اوامر طبقـة السياسييـن بناءا علـى نظـرة الفلاسفـه .. واستمـرت الحال في مابعـد افلاطـون في الممالـك والدول مثل الدولـه الرومانيـه وفارس وغيرها والحكـام تم استبدالهـم بالملـوك والفلاسفـه برجال الديـن اللتي كانت مهمتهـم تثبيـت الحكـم .. واستمـر توارث الحكـم على هذا الحـال لان افـلاطـون حسـم الامـر بأن الناس صنفـان صنف ملكـي يولـد وهـو ملـك ويعيش كـ ملك وصنـف اخر يولـد فقيـر ويمـوت فقير .. ربما لم يعتقـد افلاطـون ان نظريتـه ستتحـول لهذه الطريقـه ولكنـه هـو صاحب الفكـره بالاسـاس وبالتالـي فعالمــه دكتاتـوري وليس مثالـي .

مـن ناحيـه اخرى في عصـر ارسطو اللـذي هو تلميـذ افلاطـون ظهـر شخـص يدعـى سفسطائيـوس كان اذا قـدم ارسطـو نظريه اتـى سفسطائـيوس بعكسـها ومنـها نشـأ مذهب السفسطائييـن والسفسطـائي شخص يستنـد الى المنطـق اكثـر .. وكان السفسطائيين لهـم رأيا آخر لعالـم افلاطـون فهـم يـرون أن اي انسـان هو حكيـم مبـدع من زاويـه اخرى . وهذا دفـع اللـه الناس بعضهـم ببعض ( وَلَوْلا دَفْعُ اللَّهِ النَّاسَ بَعْضَهُمْ بِبَعْضٍ لَفَسَدَتِ الْأَرْضُ وَلَكِنَّ اللَّهَ ذُو فَضْلٍ عَلَى العَالَمِينَ )

فنحـن على قناعـه بأن المعـرفه والحكمـه الكاملـه هي للـه تعالى . اما حكمـة الانسـان فهي نسبيـه وتقسيـم العالـم الى طبقتيـن طبقـة الحكيميـن والجهلـه هـو تقسيـم غير صحيـح .. عقـل الشخص غير كامـل ولايوجد انسـان كامل وقادر على التفكيـر الحكيـم لكافـة الناس ! . وبهـذا نستنتـج ان الديمقـراطيـه من نظريـة السفسطائييـن حيث رأوا ان كـل شخص يملـك عقـلا له الحق فالتفكيـر فيما يناسبـه ومالا يناسبـه ولايحتـاج من يسيـره ويتوصـى عليـه كما فكـر افلاطـون

كـانـت فلسفـة افلاطـون كالرياضيـات بقوانيـن ثابتـه وهذا ما أفشل افـلاطـون لان الانسـان ليس كـ نظريـة رياضيـات ثابتـه يتم وضعهـا اساسا متـداولا . ومـن علـم الرياضيـات نستطيـع بناء مانـريد من التقـدم بناءا علـى النظـريات والارقـام والثوابـت ولكـن في الواقـع لانستطيـع تطبيقهـا كمـا التفكيـر بهـا وذلـك هـو افـلاطـون .

مـن فكـري : ) .

وانا اكتـب العنـوان طرت على بالي اغنيـة ياهاجري لخالـد عبد الرحمـن ياحبـي له .. .. ماعلينا .. بمـا اني انسـان متواضـع بالفطـره فانـي اتقبـل النقـد من كل واحـد ان كان انسـان مهايطـي او انه انسـان مثقـف وراقـي .. واحـد الاشخـاص قام بنقـدي بطريقـه راقيـه وها انا هنـا اترجـل في تـدوينتـي محاولا اثبـات بعـض المفاهيـم الخاطئـه لبعـض الناقـدين . < يمديكـم ع الحمـاس

قبـل فتره كتبت تدوينه بعنـوان ( مدون وكاتب ) .. ووضحـت فيها الفـرق .. النقـد اللي جانـي هنا يتكـلم عن اسلـوبي بالكتابـه عامي وليس بالفصحـى .. وايضـا ادخال مقـدمات ساخـره في بعض التـدوينـات .. ووضـح الاخ ان الكتابـه ماتتـم بهالطريقـه الكاتب لازم يكـون له اسلـوب واحـد يكتب بـه ويتقيـد بصيغـه واحـده مع عدم التنـويـع .

فاسمح لـي ياناقـدي بتوضيـح أني مـدون ولسـت بـ كاتب .. أو أديب .. انا هنـا في مدونتـي لاكتـب تجاربـي وافكـاري واشاركهـا غيـري بغرض الفائـده او بغرض الكتابـه فقـط .. لسـت هنـا لاكتـب مقـال أدبي موسـع بغرض النشـر وهذا الفـرق بيني وبين الكـاتب .. فالمـدون يكتـب مايمر بـه من تجارب فيه حياته الاجتماعيـه والعمليـه أو مالديـه من افكار بأي صيغـه كانـت هـدفه هو ايصال الفكـره أو التجربـه لقـراءه بغض النظـر عن اسلـوب الكتابـه وطريقـة التـدويـن .. اما الكاتـب فـهو من يحتـاج الـى سطـح كاف من الثقافـه والاسلـوب اللغـوي والتعبيـر ناهيـك عن المراجـع والمصـادر ليـدعم تدوينتـه وربمـا يأخذ الكثير من الـوقت والاجتهـاد لكتابـة مقال واحـد لايمـد له بأي صلـه مجـرد مايـدعـى مقال أدبـي ..

باختصـار .. انا مـدون غرضي ايصـال ما أريـد ايصالـه لقـرائـي فقـط بغض النظـر عن اسلـوبي .. اما الكـاتب فغرضـه ابراز موهبتـه الادبيـه فالكتابـه والتعبيـر وهذا فـرق كبيـر ..

فالنهايـه ياناقـدي .. شكـرا لـك و Clear Your Mind and Take it Easy

همسـه لاحد الاشخاص اللـي ينتظـر تدوينـه ( مو هذي اللي قلـت لك عنها )

طبعا ماراح اشرح طريقة الجيل بريك او تحميل الفيرم وير 4.0 . قوقل موجود الجيل بريك عن طريق Redsn0w 0.9.5 وعارفيـن ان لما نسوي جيل بريك خلاص يعنـي ان الايفون يفتـح عادي بغض النظر عن لوك او ان لوك .. المهم انك تدخل للايفـون وتشتغل فيـه عادي .. ولكن مع الفيرم وير الجـديد 4.0 . حتى لو سويت جيـل بريـك ماراح تقـدر تفتح الايفـون الا عن طريق ايتـونز وتكـون مشترك في مركز مطوري ابل وتدفـع 99 دولار ! .. انا اتكلم عن الفيرم وير التجريبـي الحيـن .. والف وادور واحـوس لين لقيـت لكـم طريقـه بكل بساطـه تفتح الايفـون بعـد ماتسوي جيل بريك .

السالفـه عاديه اذا كنت مسوي له جيل بريك او ابديـت عادي .. حمل اي متصفح ملفات للايفـون مثل Iphone Broweser وادخل على المسـار System/Library/CoreServices .. بتلقى الملف SystemVersion.plist انسخـه لسطح مكتبك نسخه احتياطيه وعـدله واحذف منه السطرين

<key>ReleaseType> /key>
<string>Beta< /string>

ثـم رجعـه مكانـه مع نفس التصريح السابق اللي هو 755 روت او 644 . وبس عيد تشغيل الايفون واشبكه بالايتـونز تلقاه فتـح

تحـديث 1 : طريقة تشغيل Multitasking في iphone 3G.. بخصوص Iphone 3G .. ماراح تشتغل معك اهم خاصيه بالفيرم وير الجديد اللي هي Multitasking يعني تعدد المهـام بحيث انه تقدر تشغل اكثر من برنامج بنفس الوقت وتبدل بينهم عادي . وطريقـة تشغيلها كذا :

عن طريق اي متصفح ملفات للايفـون وليكن Iphone Broweser افتح المسار

System/Library/CoreServices/SpringBoard.app

تلقـى الملف N82AP.plist حمله لسطح مكتبـك وحرره وضيف فيـه

<key>multitasking</key>
<true/>

وين تضيفهـا ؟ .. شوف السطور هذي وضيفها تحتـها

<key>capabilities</key>
<dict>

احفظ الملف وارفعه مكانه من جديد واستبـدل وتأكد بعد ماتخلص ان تصريح الملف 644 روت .. عيد تشغيل الايفون واستمتـع .

السـلام عليكـم ورحمـة الله وبركاتـه

ادري بتقـولون مغبـر وقديم المـوضـوع .. بس كثيـر اللـي للحيـن يعانـون من هالمشكلـه وطلبـوا الطريقـه . انه اذا جيـت تسـوي لك حساب بالايتـونز عشان تحمـل اي حاجه من ابـل ستـور يطلب منك رقم بطاقـة فيزا او ماستـر .. ومو كل واحـد متـوفر معـه هالشـي .. بشرح لكـم طريقـه تسـوي حساب بدون حاجـه لاي رقم بطاقـه ..

لقراءة المزيد »

خلصنـا كنستركشن

مبـروك الستـايل الجـديد

الانسـان بفطـرته دايـم عنـده رغبـه انـه يستعـرض موهبتـه وتميـزه بالمعـرفـه والعلـم والافتخـار باللـي مايعرفـه غيـره ويعرفـه هـو .. وكـأنه اكتشـف شي جـديد كان غايـب عن الكـل .. وانا من الاشخـاص اللـي احب اكـون دايم السبـاق في المعـرفـه واالابتكـار وابـراز اشيـاء جـديـده ربمـا هي غائبـه عن الجميـع .. واذا جـانـي احـد يعلمـني حاجـه مالي فيـها علـم .. محاضـرته تكـون قصيـره قبـل ماياخـذني كبـريائي بالمعارضـه والانتقـاد حتـى لو كانـت صحيـحـه فالهـدف من كل هـذا مو المعرفـه والاستفـاده بذاتـها الا هـي غـريـزه اساسيـه بأنـك اذا مالـك اي تأثيـر فأنـت مو زايـد عليـه . وتطمـح تكـون افضـل .  وعليـه فهـو شعـور غيـر واع باننـا على على معرفـه كبيـره وذكاء نادر .

ياقسـاه ذاك الشعـور لما تحـس انك غيـر مهـم او غيـر مؤثـر ( من قرأ تدوينتـي انا انافـخ اذا انا موجود ) يمكـن يقـول فيه جزأ بسيـط من التناقـض . ولكـن الحيـاه هي صراع مستمـر .. تلقـى صراع بيـن الاطمئنـان .. وبين التبرير والقاء اللـوم والنقـد حتى لاتكـون خارج دائـرة المهـم . صـراع يخليـك متـراوح مابيـن الاطمئنـان وبيـن انك تكـون لوام وناقـد .

اللـي مايعـرف .. وهو يعرف انـه مايعرف : D .. تلـقاه مستمتـع كثيـر ويتكلـم قليـل .. تلقـاه يفكـر ويتأمل اكثر من التفكيـر هذا هو الانسـان الاقـرب لحقيقتـه فهـو مايعرف حاجـه فـ لما يوصـل لمرحلـة الوعـي ومرحلـة الادراك والطمئنينـه بأنه مايعرف . يكـون وصـل مرحلـه اعتقـد نتعب عشان نوصل لهـا . باختصـار ! هذا هو حكيـم زمانه : ) .

واما اللـي مايعـرف ويظـن انه يعرف كل شـي .. هذيلـه هم حنا وبقيتنـا هم كل الناس تقريبـا . هم في مصطلـح عربجي يطلـق عليهم ( مهايطيـه ) .. هذيلـه هم مجـرد حمقـى مـع غرور هم في واقـع الامـر مثل باقي النـاس مايعرفـون هذي الحقيقـه الاساسيـه .. بس يحسـبون انفسهـم يعرفـون . وفيهـم من يتسمـى بالعالـم او الخبير هذيلـه اصابهـم ( وهم المعرفـه ) وظنـوا انهـم وصلـوا للمعرفـه الحقيقيه والعلـم .

مثـلا خليني اعطيكـم مثـال ..( حاجـه قرأتها بالسابـق باحد المنتـديات ) واقتبـس لكم هالمثال منها .. و يمكـن بعضكـم قرا او سمـع عن تزايـد الجرائم في امريكـا مع بداية التسعينـات وكيـف ان الخبـراء حاولوا تحليل هالظاهـره وبعـد جمع الارقـام علـى المستويات الاجتماعيـه والسياسيه والاقتصاديـه حطـوا توقعـات للسنوات القادمـه بتزايـد وكانت واقعيـه بناءا علـى المقاييـس المتـوفـره عندهم بعـد الدراسه . ولكـن اللي حصـل ان التوقعـات كانت عكسيـه حيث ان معـدلات الجريمـه انخفـضت بشكل هائـل وحينها تدخل الخبـراء مره ثانيـه عشان يفسـرون اللي صار وربطـوها في زيادة الامـن وغيره . ولكـن كل هذا مثل ماذكـرت فوق تبـرير السقوط.

بختصـر لكـم الموضـوع .. المهـم ان نتيجـة زيادة الجريمـه في امريكا مع بدايـة التسعينـات هي وجـود المتشرديـن حيث ان كانـت الفاحشـه كثيره واللـي تولد ولـد نتيجـة الفاحشـه كان مصيـره التشـرد وبالتالي مستقبلـه اجرامـي  . وكانت المحاكـم في ذاك الوقـت تمنع الاجهـاض . وبعـد مالمحاكـم سمحـت لهـم بالاجهـاض قل عـدد المتشـردين ! وبالتالي قل عـدد الجريمـه وهذا هو التفسيـر ولكـن ماحد كـان يعرفه .. وكانوا الخبـراء اللي يطلق عليهم اسم ذوي المعرفـه مسوين انهـم عارفين ولكـن ماهم عارفيـن !

مثـال ثانـي عشان تكـون تدوينتي اوضـح : شـوفوا مثـلا الخبيـر الرياضي فالكوره او مايسمى المحلل الرياضي قبل المباراه تلقـاه خامـع منكسـر شاك بتوقعاتـه وبعـد ماتنتهـي المباراه تلقـاه صار عبقـري ويحلل فتلقـاه وصـل لمرحـة الغرور في وهـم المعرفـه : )

في القـران الكريـم قال اللـه تعالـى “ ان اللـه يعلم وانتم لاتعلمـون “ نحـن كـ ناس لانعلـم كليا وقالها اللـه جل جلالـه .. وقال في كتابـه “ وماأوتيتـم من العلـم الا قليلا” فنحـن لانستطيـع تقدير معرفتنـا .. فلا يعلـم تأويلها الا اللـه سبحانه . فتلقـى علمائنا المسلميـن بكل قنـاعه يقولون آمنا به كل من عنـد ربنا . نحن فعلا لانعلـم شيئا . وقال سبحانه “ وهل يستوي الذين يعلمون والذين لا يعلمون “ !!! فـ أنت اللـي تقـول انا اعلـم وانا اعرف .. تفكر بالايـات والربـط بينها : )

علمنـا هو علـم مجازي . هو مجـرد مطلق لغـوي ننسبـه لانفسنـا .. مثل الحيـاه عشناها ونشوفها ولكـن نجهل كيف جات او وش معناها الحقيقـي .

في نهايتـه يا أعـزائـي .. اعتقـد ان النـوم غلبنـي ..

هـذره في “ ساعـة ماقبل النـوم “

من قلـة السـوالف والهـذره والتـدوينـات .. مالقيـت شي أكتبـه قمـت افل شريط الـذكريـات واكتب يقالي بسوي ظريـف
شائت الاقـدار اني اروح عملـي اليـوم الصبح مادري اول مره اروح الدوام الصبح علي سوالف بعد
المهم وانا الي اقعد اهوجس وانا في الطريق كالعاده الين اوصل والنـوم طاق بعيـوني نايم بدري امس ع الفجـر ..
و شوي تمر من جنبي سياره (دسمان) < مركز تسـوق .. حقت النـقل و كـذا وعليها صوره خضار و خس و فاكهه
وعـاد انا شطـت السعبولـه يوم شـفت الخـس
وا اقـعد اهوجس وقلت ابي ( سيـزر سـلط ) و انا الي احتريه وارفع الجـوال وادق على ترجـاك عيني < اللي هو شقيقـي وكان لحينـه راقـد
ويقـوم يرد دون نفـس كنه يتعوذ من ابلـيس
هاه حمـود وش عنـدك نايم للحيـن قم ابشـرك .. وهو يقولـي هـاهـ
اقول ياولـد عندنـا خس فالبيـــت
ترجـاك : هاه وش خـسه ؟؟
لحـول خس ياخـس اللي يوكـل
قال ليش
قلت / فيه ولا لا ابي
قال مافيه جب مـعاك
قلت طـيب بجيب
قال جب معك نعنـاع بعـد وطماط .. الخ المهم قر لي ليستـه
قلت طيب بس تراني طفران و الحسابه بتحسب لووووووووولز
قلت له خلاص تبي شي بعد ؟
قال لا ادحـل
ويصك السماعه في وشي :roll:
وانا مبتســم اخوي عادي يمـون يمـون ..
المهم و انا الي اطمر واطلع من العمـل و اطير لمركز دسمـان
المـهم دخلت اول مره في حياتي اشتري خضار وكذا حركات مطابخ ما اعرف
المهم داخل ومسوي الولد الي فاهم الدنيا وراعي بيت ولا احد قدي لابس نظارتي ولاني فاصخها وكذا
وانا الي اروح قسم الخضار ولا هو مليـان حريم وبنات وتوهقت انا قلت يالييل الليل بسوي فاهم قدامهم ؟؟
المهم طنشتهم وادخل بينهم كني ربــه منزل
واخذ لي حبتين خس
انا الي اعرف ان السوبر ماركتااات يغلفون الخس و يحطون عليه سعر
انا شفت السعر محطوط على الرف ولا هو مغلف قلت عادي هـذي التسعيـره
اخذت حبتين و حطيتها في السلـه مــاش انا حاس ان فيه شي غلط بس مدري وشو ؟
المهم طلعت من قسم الخضار ورحت قسم الصوص و الكتشاااب و المنونيزات وكذا
واقعد ساعه اناظر الصوص ادور شي مكتوب عليه سيزر صوص مالقيت
المهم دبرت نفسي وخذت شي فاتح كذا طعمه لـذيذ وصار هو الصوص
المهم خلصت شغلي و اتوجهت للكاشير بحـاسب
المهم زحمه عند الكاشير طوابير ياثقل دمه ذا دسمـان دايم زحمه
وانا اصف قدامي حرمه و وراي حرمه
المهم جاء دوري … واحط السـله ويجي البنقالي ملعون الجدف ويشيل الصوص ويطقه
ويوم جاء للخـس يناظر السله ويطلع الخس
ويقـول بصوت عـالي ايـــــــش هذا ؟؟؟
انا طلعت عيـوني مترين قدام قلت لــه وش فيك ؟8O
قال ايش هذا مره ثانيه ؟؟ قلت الله ياخذك وش فيك لا اسطرك على خشمك انا توهقت مدري وش السالفه
وحسيت ان صوته عالي و العالم قاموا يناظروني …. من جد رحت فيها
قلت وش فيه يمال العنقـز ؟
قال وين باركود حق وزن و السعر … انا تـوهقت ومطرطع قلت طيب وين هذا ؟
قال هنـاك يلاه رووووه سوي
انا حسيت اني صغير … وضايع وجهي مابي اناظر احد
اخذت الخستين والتفت بقوه
واصفق العربيــه الي وراي حقت الحرمـــه وتطيح نظارتي
ضربت في طرف العربيه و طاحت العدسه نص النظاره في العربيــه و العدسه الثانيـه على الارض
ولا انتبهت لهـا انها في الارض
انا مستحي من الحرمه عربيتها مليـنه اغراض ,,, ومنها اغراض نسائيه يا خزيااه بس
قلت لها معليش وانا مبتسم في وجها حسيت انها بتصفقني على جبهتي
وانا الي اخذ النظاره بيدي ولا انتبه و ادعس العدسه برجلي
وتنــكسر العدســه يـووووووووم انا حسيت ان دم راسي طشري من ضيعت الوجه و الطرطعه
سبـحان الله قبل احـــاسب كنت اكلم خويي بالجوال واقولــه جنبي وحـده برقعـها مايل … شكلها من العجله لبسته
ولا تـدري وشلون اللـه يخلف ونضحك ….
يوم جتـني العـقوبه ترررررركض فشلني الهندي و انكسـرت نظارتي عاد رجعت للهندي حق الوزن وحطيت حرتي فيه
وانا ضايق صدري على نظارتي العزيزه راحت بدعسه رجل والله البطره
وخلـصت السالفــه .. وان شالله انها تكفير ذنـوب <— على كيفك يابو الشباب ؟؟
مايستفـاد من التـدوينـه …
1- ياولـد خل سوالف الخضـار وغيرها للحـريـم اما عاد ان كانك عزوبـي مثلـي دور لك اقرب مطعــم
2- لاتسوي فيها ولد نعمـه وتروح بنظارتك اي مكـان تدخلـه ..

الـى تـدوينه قادمـه نلتقـي على خيـر باذن اللـه

< مايـدعي على عزازي اللي طلب الطريقـه ابدا

المهـم شرح جيل بريك ايفـون 3G + ايبود 2G الفريم وير 3.1.3 ( جيل بريك فقط للايفون ) يعني Unloack مافيـه .. بنهاية التدوينـه بعطيكم طريقة Unlock للباس باند الجديد .

لقراءة المزيد »

السـلام عليكـم

كلنا نعانـي من احتكار شركـة آبل لكـل حاجه بس مالومهـم على منتجـاتهـم يحق لهم يحتكرون كل شي

لقراءة المزيد »

أنا من الاشخـاص اللـي يفكـرون بكـل حاجـه خاصـه في ساعـة ماقبـل النـوم .. احسها الساعـه الانسـب بعـيد عن كل حاجـه عن المشاغل اليوميـه ذاهب الـى عالـم في التفكيـر .. وتـدوينتـي هذي كتبتهـا في ساعـة ماقبـل النـوم .

مبنيـه على تفكـيري الحالـي بالكـون .. احـب افكر فيـه مع انـه يفـوق ادراك التصـور البشـري وهذا الشـي الرائع فيـه اذ انه فيه نوع من التحـدي والفضـول وانا بطبعـي اركـض ورا هالاشيـاء واحاول استـوعبها ولو انها لغـز كبير ولكـن فالواقـع مع كثر تعمقـي وتفكيـري يصيبنـي دوار ونهايتـه منخمـد بسابـع نومـه : ) .

اذا تخيلـت الكـون او شفـت له صـوره .. او شفت برنامج عن الكواكـب والنجـوم اتذكر ابداع الخالـق سبحانـه .. وكوكبنـا مجرد ذره صغيـره في هذا الفضاء وحتـى هي شيء لايذكر مقارنـه بما وصـل له العلـم من مسافات ابديـه غير منتهيـه وهذا الشيء اللـي يعجز العقـل البشري عن تصوره

لما رأى العلمـاء ان المسافات التقليديه للمقياس بالكيلـو متر .. مالها فايـده حيث انها تعطي ارقام طويله جدا ومعقـده اطلقوا وحدة القياس الجديده اللي هي سرعة الضوء او السنه الضوئيـه ومثل مانذكر بالدارسه ( افلقوني لو احد منكم يذكرها ) ان سرعـة الضـوء تقارب 300 الف كيلو متر فالثانيـه .

شفتـوا ! لابعـد من هذا الحـد الكون شاسـع حتى نحتاج لاداة قياس اللي هي سرعـة الضـوء .. مثلا اشعـة الشمس تحتاج 8 دقائق حتى توصل للارض .. لو اعـدت صياغتـها بوحدة قياس عاديه مثل كيلـو متـر عشان نحسب المسافـه .. صعب اكتب الرقم او صعب تتصـوره .

طيب هذا شي بسيط .. خلينا نتـوسع مثل ماحنا عارفين ان المجره حقتنـا اسمها درب التبانـه .. مافيها الشمس بس كـ منظومه شمسيـه ابشركم . الا فيها حوالي مايقارب 400 مليار نجـم يشابه الشمس .. وتبعـد عن بعضها الاف السنين الضوئيـه .. متخيليـن !

هذا بالنسبـه لمجرتنـا .. طيب العلماء اكتشفـوا حاليا بس عشرين مجره اخرى تبعـد عن بعضها ملايين السنين الضوئيـه ! وهذي اللي اكتشفوها بس ! مو قلت لكم شي مايستوعبـه الادراك البشـري

وش هي حـدود الكـون ؟ الا مايكـون البعض فكر مثلـي وطرا على بالـه هالسؤال .. سؤال حلـو مثل ماقلت جاني قبل النـوم في مرحلـة الهدوء والتفكر . لكن وش نجـاوب

يقول لنا العلـم ان العالم بدأ بالانفجـار العظيـم . قبل الانفجار كان فيه ماده وطاقـه مركزه ثم تمزقت مع الانفجار الى اجزاء محلقـه وخلال تحليـق هذه الاجزاء كان بعضها أكبر من بعض وصارت تتجاذب بين بعضها مؤلفـه مجموعه ومايطلق عليه مجره . ولهذا يقـول لنا العلم ان حدود الكون في توسع مستمـر حيث ان الانفجـار مازال في توسـع في جميع الاتجاهات . هذا هو التفسير العلـمي .

ونحـن كـ مؤمنيـن بعظمة الخالـق وكـ مسلميـن .. خلقنا اللـه في عالم ثلاثي ابعـاد فـ عقولنا لاتستوعب شيء اعقـد من مستوى التركيب ثلاثي الابعـاد ولكـن التكوين الكونـي وعلمـه هو بعـد رابـع ! يمكـن تفسيره علميـا ولكـن لايمكـن استيعابـه : ) يعني تقرا تقرا وتناظر وبالاخر تقول اثرني لوح وهذا هو البعـد الرابـع المعصـي ياحلـوين .. اووو بص .. حان وقـت نومـي . :roll: