يونيو 13th, 2010 بواسطة Khalid
كثير ماقريت في بعض المنتـديات او بعض المجلات مقالات عـن حقوق المرأه وخاصه فالمنتديات واحـده مضيعـه تجي تكتب موضوع تطالب فيه حقوق المرأه والقى الردود بالموضوع هذي تساند وهذي تعـزز لهـا وصدقوني واتحدا اي واحده فيهـم لو سألتها وش حقوق المرأه اللي تبيهـا ماراح تعرف تجـاوب ولا تدري وشهي الحقوق اصلا .
مع كثـر هالمواضيـع خاصه في المنتـديات .. والمطالبـه بالانفتـاح الاعمـى والمسـاواه على قولـهم .. نلاحـظ ان اغلب هالشـي فالمنتـديات السعـوديـه كثر وصار تقليـد اعمـى الواحـده تقرى الموضوع تروح تألـف نفسه او مقال وغيـره وتطالب بحـقوق .. انا انسـان ماني سعـودي ولكن احب السعـوديه وشبابهـا < دققوا قلت شبابها ( وجه مايبي يتوهـق ) .. فقلـت اكتب شي بسيط وسريع بمـدونتي المتواضعـه عن اللي يسمـوونه حقـوق المرأه . لان الواحـد لو قرا مواضيـع المطالبـه بحقوق المرأه في السعـوديـه يحس ان المرأه السعـوديه مظلـومه والعكس صحيـح .. المرأه السعـوديـه اكثر امرأه مدلله ومعززه في العالم والعرب خاصـه . تدوينتي ماحـددتها على السعـوديـه ولكـن للعرب كـ كل بس السعـوديه اكثر صار فيها هالشي.
لقراءة المزيد »
بالتصنيف ! سواليفي | 14 تعليقات »
يونيو 8th, 2010 بواسطة Khalid
السـلام عليكـم ورحمـة الله وبركاتـه .. اخبـاركم يا أصـدقائي اللـي وحشتـكم حيـل 
واخبـاركم مع جـو الامتحـانات والحـر … احس بمعاناتكـم يالطـلاب وانتـوا تذاكـرون مع ذا الجـو .. الواحـد دون شي مخـه مطرطش ويقعـد يحشر فيه من ذي الكتب اللـي ماتخلـص وانواع الكـرف وبالآخـر اللي ربع ربع واللي طبع طبـع .
مع جـو الامتحـانات يزيـد غياب بعض الاحبـاب .. وتكثر السوالف في اللقـاءات الحميمـه بين الاصققـاء .. واليـوم واحد من اصدقائـي مسوي لي زياره مفاجئـه وانا ماداني سوالفـه كله طلعنا ورحنا وغازلنا ورقمنـا .. الـخ مسوي لي فيـها جورج كلونـي على غفلـه وانا ماغير اضحك معه واسلـك له واقول ايه يالخطيـر ياخي ودي اطلع معـك طلعه عشان تضبط وضعـي
لقراءة المزيد »
بالتصنيف ! سواليفي | 12 تعليقات »
يونيو 4th, 2010 بواسطة Khalid
ابـارك لـي قبـل ان ابارك لهـا بالمـدونـه .. فمن الـرائـع وجـودها في عالـم التـدويـن .. الانسـانـه اللتـي لـو سخـرت مدونتـي لاكتـب عن روعـتها فلـن اجيـد ولو حتـى القليـل من وصـف جماليـة مايخـط قلمـها .
مدونـه احسـاس ..
اتمنـى لك كل التـوفيـق ودوام التميـز
رابـط المدونـه http://www.e7sas-07.com
بالتصنيف من هون وهون | التعليقات مغلقة
يونيو 2nd, 2010 بواسطة Khalid
كيـف كان وقـع عنـوان تـدوينتـي هذه على بعضكـم ؟ كلـي يقيـن بأن البعـض قـد تلقـى صدمـه بسبب هذا اللفـظ اللاأخـلاقـي ولـو أني قمـت باقفـال التدوينـه بكلمـة مـرور وتركـت العنـوان لاثار ذلك الغيـره والشكـوك في نفـوس بعضكـم ولربما وصلـتني بعض النظـرات السلبيـه لما كتبـت.
اثنـاء بحثـي عن بعض الامور في ( قـوقل ) وصـل بي المطاف الـى مدونـة احد الاشخـاص وأول ماوقـع نظري عليـه كانت هذه العبـاره ( دمشق العاهـره ) كانت عنـوان احـد التدوينـات .. تركـت ماكنـت قد بحثت عنـه وسرعان ماتوجهـت لفتح هذه التـدوينه لارى مابداخلـها . وتفاجئـت انها مقفلـه بكلمة مرور ولايستطيـع قراءتها الا من لديه تلك الكلمـه . قلـت في نفسـي لربما هـو سائح زاد دمشق سابقا وتعرض لاساءه حيث ان الكثير من السـياح الاجانـب قد يتعرضون لمواقـف تجعلـهم ينظرون النظره السلبيه لدمشق ككل ولربما كدولـه بكل مدنها .
تركت هذه التدوينه وذهبت اتصفح تلك المدونـه باعتقادي ان صاحبها من المفكريـن او الفلاسفـه اللذين نقرأ لهـم ولهم حرية التعبير والنقد بهذه الطريقه . قرأت مقتطفات من التدوينه الاولـى والثانيه والثالثـه .. الى ماتجاوز الـ 10 تدوينات باسمـه فلـم اجد اي سطح ثقافي او ادبي او اي اسلـوب تعبير فيما كـتب كانت كلها مجـرد تجمـع لكلمات كمن يكتب رداً على موضـوع في منتدى حـوار, اضف الى ذلك وجـود الكلمات المشابهه لعنوان هذه التدوينـه والالفاظ المشوهه لجماليـة اي كتابـه مهما كانت تحوي من نقـد.. ولم اجد مايشفـع له ليكتب تلك العبـاره .
لاأكتب الان هنـا لاعتـراضي على العبـاره بأنهـا نسبـت الى دمشـق خاصه .. فلـو ان عنوان تدوينته كانت مختلفه كـ الرياض العاهـره او القاهره العاهره لكتبت ما أكتب الآن .. وبالمناسبـه فانا لا اعترف بحدود وطنـي الا حدود القرية اللتي هي منشأي. وليس هذا حديثنا فدمشق غنيـّه عن التعريف بهـا . اعتـراضي الوحـيد هو استخـدام مثل تلك العنـونـه في التدوينـات.
كلما سطرت نقطـه في التدوينـه كلما حاولت تقليص ما أكتـب .. فهناك مايكتـمني عن الكـلام ومايضـع حاجـزا امام قلمـي بطريقـه غير مباشره ومهذبـه فلـو اني عملـت على ردع مايكبـح جماح تدوينـي لكانت تدوينتي لاتختلـف عن تدوينته المقصـوده ولكانت هنا حرب حـروف بحـجج وتبريـر ولخضت في شجـون حـروف الشوارع .. لكـن احاول كل الجهـد الابتعـاد عن اي انفعـال .
همسـه لك اخـي صاحب تلك المدونـه : قـل ماشئـت , واكتـب ماشئـت , فليست كل الافكار تشابـه . انك لاتختلف عنـي جسـديا بأي فارق . ولكنـك تختلف فكريـا وتكتـب لكسـب ود مزيـف مالغرض منـه الا تسييـر ( الشخصنـه ) بدفـع عجلـة الالفـاظ النابيـه . فـلسـت آسـف عليـك .. ولست على ماكتبـت آسف .. وليس عتبـي على من قام بتوفير ( الانترنت ) لك وافتتـح المدونـه لتكتب .. لا لا .. بل اسفـي الوحيـد على من قام بتشجيعـك ودعمـك لمواصلـة ماتخـط . : )
برستيـج ..
بالتصنيف ! سواليفي | 8 تعليقات »
مايو 31st, 2010 بواسطة Khalid
تـدرون كم لي فاتـح Windows Live Writer .. ايـه البرنامـج هذا اللـي هـو اللي المـدون يكتـب فيه وينسـق تدوينتـه ويرسلها للمـدونـه .. المهـم من 5 ساعـات مفتـوح والصفحـه فاضيـه اقـوم وارجـع ومافيـه شـي اكتبـه .. اقـوم اجيب لي كاس قهـوه واصفطـه جمب اللـي قبلـه لين صار قـدامي 3 كاسـات قهـوه كل واحـد فيه فـوق نصـه وطبعا هالعـاده فينـي اشـرب القهـوه وهي بارده وش احـس بـه . اطق طق بولاعتـي الـ Zippo معـي من سنتيـن واكثـر والكل حاط عينـه عليها ولكـن احس بيني وبينها علاقـه قـديمـه : ( يلـوموني فيك ياولاعتـي العزيـزه .
طبعـا مع العـذر مع الجميـع وكل من قالـي ليش مهمـل المـدونـه .. ترا ماتدرون ان التـدوين اصعـب مــــن الولاده < عاش مصـرف
لقراءة المزيد »
بالتصنيف ! سواليفي | 11 تعليقات »
مايو 24th, 2010 بواسطة Khalid
ياهـلا بالكـل واعتـذر عن انقـطاعـي الدايـم علمكـم عاد تـدرون بـي جـدا مهـم وبسنـز ومالومكـم لو مليتـوا من بثارتـي وكثـر اعذاري خاصـه اللي يقـول وينـك ولا اللـي اسحب عليه ع المسنجر يسدح سلام اليـوم ارد عليه بالمحادثـه بعـد 24 ساعـه
ابشركم رجعـت لـ مدونتي الجميلـه الحيـن ولكـن ماعنـدي سالفـه .. قلت اكتـب من شريط الذكريـات بس قلت لازم التنويـع عشان لايصير الواحـد ماصـل .. المهـم بكتب عن شي صار لـي اليـوم وعن شخصيـه من جمبـها .. انسـان مادري وش يبـي من حياتـه .. ولكـن هالانسـان هذا اللـي بكتب عنـه الاشهـر في زمانـه في مجتمعـي .. شخـص اشهر من نار على علـم زي مايقـول المثـل ماكان يمـر يـوم الا نسمـع فـلان سوا مشكلـه وفلان ضرب له درزن شباب وكسـرهم وفـلان تهاوش مع الشرطـه وسرق ونهـب ونصـب .. الخ من هالمغـامرات اللـي تسـود الوجـه .. هالانسـان هذا بصراحـه بما اني انسان رقيـق وبرستيـج كنت اخاف منـه حتى اخاف اسلـم عليـه لايفرشني بالشارع وانا جـدا مسالـم وبريء
لقراءة المزيد »
بالتصنيف ! سواليفي | 16 تعليقات »
مايو 16th, 2010 بواسطة Khalid
تـدوينـه غبـرت وانا كل يـوم بقـرار احـاول اكتبـها .. ثم اتراجـع واقول ( مالهـا داعـي ) .. مـرات اكتبهـا بالفصحـى .. ارجـع واعـدل واكتـب بالعامـي لاني انسـان ماحب التصنـع او التقليـد والتقيـد فاللغـه الفصحـى يمـن تقيـدني عن بعـض الكلمـات او عن خلـط بعض الامثلـه الشعبيـه والمـرح في التـدوينـات .. واخيرا اختصـرتها ع السريـع .. قبل ان اتطـرف عن المـوضـوع بكتـب سبب او اسبـاب التـدوينـه :
لقراءة المزيد »
بالتصنيف ! سواليفي | 23 تعليقات »
مايو 15th, 2010 بواسطة Khalid
بالتصنيف يوميات انسان مطحون | 10 تعليقات »
مايو 5th, 2010 بواسطة Khalid
مثلث بـرمودا او مثـل مايسمـى مثلث الشيطان والعيـاذ باللـه من الشيطـان .. من اللـي ماسمـع عنـه قصص تخـوف وأمـور كثيـره وتدخـل الجـن والشياطيـن فيـه وقرينا اكثـر من مقال وموضوع عنـه وكل موضوع يختلـف عن الثانـي واكثـر من كتاب وبرنامـج وثائقـي تكلـم عنـه ولازال السـر مجهـول .. مثلث بـرمودا منطقـه في المحيـط الاطلسي وتعتبـر اعمـق منطقـه فيـه وسـبب شهـرته الكتـاب والبرامـج الوثائقيـه اللي تكلمـوا عنـه وعن الحوادث والمخـاطر اللي كانـت تصيـر فيـه .
في بعض المعتقـدات قال العـلمـاء بأن مثلث برمودا هو مقـر عرش ابليس .. وبعضها الاخـر قالـه انه مكـان المسيـح الدجـال .. وبعضهـم من قال مقـر الجـن .. والكثير من المعتقـدات واللـه اعلـم بالحقيقـه .. قرأت الكثير عن مثلث برمودا بما انـي احب الاطـلاع على مثـل هالامـور ولكـن ضاعـت الطاسـه لان كل موضوع يتكـلم بشكل وكل كتـاب يختلف عن الثانـي ولا ندري وش السالفـه .
وحسـب كلام البعـض وكلام الكتـب والبـرامج صارت النسبه 99% ان قصـة اختفاء السفن والطائرات فوق مثلث برمـودا سببهـا تدخل الشياطيـن في الموضوع حيث انه مقـرهم .. وكانـت اذا سفينـه او طائره مـرت فوقه اختفـت بدون اي تفسيـر ولكـن كـانو يلقـون لها اثار ..!
طبيعـة مثلث بـرمودا هو ليس بمثلث بشكـل هنـدسي هو عباره عن منطقـه في الجزأ الغربـي من المحيـط الاطلسـي مساحتـه ماتقارب 1,140,000كم². وهو عبـاره عن مجموعه من الجـزر تبلـغ تقريبـا 300 جزيـره . وتعتبـر منطقة مثلث برمودا المنطقـه الاعمـق في المحيـط واعمـق نقطـه فيه توصل لـ 30,100 قدم واسمها بورتو ريكـو .
في النهايـه حسب ماقـرأت الكثيـر من المواضيـع والمقالات اللـي تتحـدث عن مثلث بـرمودا كان استنتـاجـي حسب ماذكر خفر السواحل في ذيك المنطقـه ان نسبة اختفـاء السفـن والطائرات هنـاك نسبه معقـولـه ماتزيـد كثير عن اي منطقـه اخرى في المحيـط الاطلســي .. وذكـروا ان السفـن اللي كانت تغـرق كانـوا يلقـون اثارها بعكس ماذكرت بعض الكتـب ان السفن تختفـي دون أثـر .
فـ باعتقـادي بما ان مثلث برمودا هو المنطـقه الاعمـق ومنطقـة التقاء جـزر شي طبيعي يكـون الجـو متقلب وتكثر فيه العواصـف البحريـه والجـويـه وهو سبب من اسبـاب كثر الحـوادث اللـي ذكرتها الكتـب في ذلك المكـان ..
هذا واللـه اعلـم .. محـدثكم برستيـج : D
بالتصنيف ! سواليفي | 3 تعليقات »
مايو 3rd, 2010 بواسطة Khalid
Spiritjb نزل رسمـي اليـوم الصبح جيل بريك ايفون ثري جي + ثري جي اس فيرم وير 3.1.3 + ايباد 3.2 .. للتحميل من الموقع الرسمـي لهم .. www.spiritjb.com طريقته نفـس بلاك رين ضغطـة زر وانتهى الموضـوع
بالنسبه للي يشتغلون على ويندوز يمكن يطلـع خطأ بالبرنامج خلي وضع التوافق مع ويندوز اكس بي او 98 ويشتغل طبيعـي
ملاحظـه : الايفـون لازم يكون مفتـوح وشغـال Activated .. وطريقة عمل سبيرت هي بس تركيب برنامج السيديا .. بعكس ريد سنو او بلاك ريـن. حيث بالبرامج ذي تقدر تسوي اكتفيشن للايفـون ولكن هذا بس تركيب سيديا مو اكتفيشن ولا جيل بريك كامل
بالتصنيف تقنيه | 2 تعليقات »
