وخروا تراني معصب ومقهور ومتنرفز وكل الصفات الشينه صارت فينــي من بعـد خسارتنــا وكآبه وتحطيـم وكم هائل من الحقد على الحكـم والتنظيـم و و و .. الخ 

كنـت ماداني شي اسمـه كـوره واقـول قلـة عقـل وضياع وقـت متابعـة المبـاراه .. لان ساعتيـن المباراه هذي اكـون قـرأت فيها شي افادنـي وزاد ثقافتـي العاليـه جدا او اكـون انجـزت مهمـه .. يقالي حريص على وقتـي وانا من جمبهــا

واذا شفت احـد يناقش بالكـوره اطمـه على وجهـه ليـن يسكـت واقوله سوالف فاضيـه .. واذا قالـوا بنروح مباراه اقول لهـم نروح نطعس ولا نفحـط ياعيال واذا صعبـه نروح نلعب بليارد ابرك لنا بدل مانشوف مهابيل 22 يركضـون ورا كـوره

مع بدايات كاس آسيا .. واشوف اخواني والشلـه متحمسيـن مع الرياضه وكلن جايب له عشرين تذكره له ولاخويـاه .. قلت السالفه كبيره ياولـد نصير معاهـم ونشـوف ..

لقراءة المزيد »

امس اخـوي مسوي فيها الحنـون بيعزمنـي على العشـاء .. الله يسعـده ويخليه طبعا شافط نص فلوسي وقال بيعزمني ماعلينا بذي السالفـه .. مسوين عيال نعمـه وراح جاب لي ماكدونالدز وانا مالي ومال ذي المطاعـم يازين المندي والبخاري بالخمس بس ..

لفـت نظري على علبة البطاطس المقليـه مكتوب على الغـلاف “ البطاطس حلال 100%” وتقلى باستخدام زيت حـلال .. تبسمت لاستغرابي من الموضوع او ماكـنت مدرك ان فيـه بطاطس حـرام او ماقلوها على الطريقه الاسـلاميـه .. وفكـرت هل هو خطأ في صياغة الجملـه باللغه العربيـه حيث ان ماكدونالدز شركه اجنبيه او انـه الشركـه بدت تتخبـط وتراعي حساسيتنا المفرطه كـ مسلميـن اتجاه المنتجات الاجنبيـه ..

تكررت هالامـور عند مثلها من الشركات العالميه الكبرى مثل كنتاكي “ على الطريقه الاسلاميـه “ مثلها مثل غيرها من اي شركات تصنيـع غذائيات او مستهـلكات ..

لقراءة المزيد »

يقول واحد من الحكماء القديميـن عندما تاخذ لك نك فالشبكه العكنبوتيـه فانك شخصيه لهذا النـك .. < سلكـوها حكيم قديم وانترنـت ماتجي بس لازم بدايـه .. ياملحي

ومن هذا المنطلـق والحكمـه الخطيره اعـلاه يحدث عدم التوازن الفكـري مابين حقيقه ومجـهول وتسري الامـور غير طبيعيـه وتنتهي بخذلان خروف .. ياني توهقت بالمقدمـه واحسني جبت العيـد وشرقـت فيها عن الموضوع .. المهـم مع انتشار البطالـه وفضاوة البزاريـن ورخص اسعار الكمبيوتر يعني اي بزر فاضي بامكانه ياخذ كمبيوتر يهايـط به ومع كثر الشاتات وانتشارها .. كثرت الصدمات العاطفيـه الانترنتيـه يعني اذا شفت واحـد منصدم قدام الكمبـيوتر وتحـس كنه مطلـق اعرف انـه متخرفـن ومسحب به ومسحوب على وجهـه ومنـصـدم .. .

اتحداكم يالاشناب ماحد منكم الا ومر بموقـف وتسحب وطلعـت فتاة احـلامه شنـب يسحب به من ورا الشاشـه عادي تراني مثلكـم ايام المراهقـه صارت لي سالفة كايـده ومؤثره جدا اتمنى من اصحاب القلوب الرهيفـه يقفلون المدونـه :

لقراءة المزيد »

اخيـرا عدنا .. مع السنـه الجـديده ربي يجعل اعوامنا كلهـا خير ورضا ان شاء اللـه .. ولايعدمكم امثالـي .. استسمح كالعاده عن الغيـاب بالشهور عن مدونتـي الجميلـه بس المره كانت ظروف قاهـره منها العاطفيـه ياني مفقـوع عاطفيا هالايـام ومتـوهق مشاعريـا .. ومنهـا الماديـه على طاري الماديـه ماودكم تتقاطـون لي بسلفيـه .. المهـم اني بعـدت فتره وقلت دخـلاتي للنـت ماعاد لي خلـق فيه حتى منتـداي العزيز دجه كافيـه دخلاتي نادره لو بدخل الحيـن احسهم حاقدين علي لان البعض مرسل لي طلبات وانا قايل لهم ابشروا وساحب من شهر عليهـم ( يارب سلطان وتنهيده مايقرون التدوينه ) ..

لقراءة المزيد »

بعضُ آلأشخاص لديهم قدرة في تكديس افكار للعيش في معاناه ليبقى في دائرة الهَم والغَم ويجيد الافلام الخياليه و لا حتى يحاول حل مشكلاته بل يدعها تذوب كالملح في الطعام،
فَكم َيَصفُو لَه مِن هَذه الحَياةِ اذا كَان دَائِما .. و لكن كل البشر عقل يعشق الخيال على وسادة النوم او صفوة عند القيادة او غير ذلك دائما نتذكر الماضي بالأمه و عدا عن ذلك دائما نتوقع لأنفسنا الأسوأ أو نخاف من غدر الزمان في المستقبل فنعدم الثقة بيننا
فان أرَدت السّعادةَ والرّاحة لآ تُقصّر حيَآتك فَهي قَصيرة اَصلا عِش فِي حُدود يومِك و أذكر الله في كل خطاك و ادي فرائضك الخمس وكن على أخلاق الصحابه ،ولا تبكِي عَلى مَافَات ،واترُك المُستقبل حتىّ يأتي ،ولا تنتظر كلام الحساد و إن سمعته فأعلم أن أيات ربك أقوى،وتوكل على الله حق التوكل فهو حسبك وكفى هموما وغموما واحزانا

السـلام عليكـم ..
اعتذر عن التأخير فالمـدونه لظروف الانشغـال كالعاده ادري واحشـكم ومالي حـس

وكل عام وانتم بخير وعيدكم مبارك .. مر العيـد وماعايدنـا الا في التدوينه ذي اللي مادري كيف قايله

تعبتـوا من سالفة ابل ونواقصها الدايمـه طبعا مستحيل تسوي شي مكتمل
ونزل بعض البرامج كيبورد عربي للايباد واللي هي عباره عن برنامج مستقل لازم تفتحه وتكتب فيه وتسوي كوبي للنص ثم لصق فالمكان اللي تبيه ومشوار وزحمـه

الان كيبورد جديده تضيفها من Setting عادي بدون اي مشاكل .. طبعا لازم جيل بريك للايباد
( تقدر تسوي الجيل بريك باستخدام spirit او www.jailbreakme.com ) للفيرم وير 3.2 و 3.2.1 ..

بعدها ضيف السورس هذا فالسيديا

http://www.5d5l.com/cydia

ومن خلال هالسورس حمل الكيبورد العربي طبعا مافيه غيره هو وبرنامج ثاني فارسي .
وبس بعدها روح على setting .. international .. keyboard .. add keyboard وحدد على العربـي ..

بالمبارك عليكـم : )

بالمناسبه البرنامج مجاني .. مابي منكم الا الدعاء .. لي واللي ساعـدوني .

اصدار جديد للجيل بريك لجميع اجهزة ابل البوت روم الجديد والقديم وجميع اصدارات الفيرم وير الاعلى من 3.1.2
افتح متصفح سفاري من جهاز الايفون او الايبود او الايباد وادخــــل العنوان

http://www.jailbreakme.com

iphone 4
iphone 3gs new or old bootrom
iphone 3g
ipod 3g
ipod 2g
ipad 3g 3.2.1

بالنسبه لفتح الشبكه ايضا على نفس سورس الترا سنو
repo666.ultrasn0w.com

بس : )

Have Fun

البعـض راح يقـولي مغلق على شاشة مكالمة الطوارئ Emergency Call .. ماراح تقدر تدخل سفاري !
الا عادي فيه شريحـه اسمها Phone Book Sim Card تلقاها في محالات الهواتف الكبيره ومنها فيرجن . تقدر تفتح عن طريقها الايفـون بعدها تسوي جيل بريك ..
ولما تبدل السيم كارد بترجع لمكالمة الطوارئ .. طبيعي ..
بعد ماتخلص الجيل بريك اضف السورس cydia.pushfix.info وثبت Hactivation .. وخلاص اي سيم تركبـه عادي : )

لقراءة المزيد »

السـلام عليكـم ورحمـة اللـه وبركاتـه .. مع صدور الاصـدار الجـديد لسلسـة Iphone من آبل ومع انتهاء مؤتمـر WWDC2010 وقريبا اصدار iOS4 الجـديـد .. مع طول الانتظـار لهذه التغييرات الجديده لآبل وتصريحات ستيف جوبنـز .. مالبث هذا الانتظار والحماس لتجربة ماهو قادم الى ان تحول الـى حالـة احبـاط مع اطلاق شعار ابل الجديد للايفون This Changes Everything again ..

لقراءة المزيد »

مـن اصعـب الامـور في الحيـاه أن تكـون مقيـدا بـلا قيـود .. تعيش يومـك كـ غيرك على طبيعتـه وبـ روتينـك المعتـاد ولكـن لديك مايقـيدك ولربمـا يعرقـل طموحـك واندفاعـك لمستقبلـك .. منـذ ماتجاوز السنتيـن الى هـذه اللحظـه يتكـرر امتثـالي في المحكمـه شهـريا بصفتـي ( شاهـد ) على قضيـه لادخـل لي فيها. ولا احبـذ التفصيل في أمور القضيـه ذاتهـا . مع اكتسابي لهذه الصفـه واتباعا لقوانيـن الدوله التي اقطنهـا فقـد تم منعـي من السفر خارجهـا مع صعوبـة اجراء المعاملات الحكـوميـه .

صباحـي هذا تكـرر كـ سابقه قبيل 30 يومـا .. اعتـزم عـدم النـوم والسبب وراء ذلك الالتـزام بمـوعد الجلسـه .. من البساطـة لـدي  ان يفوتنـي موعد طائـره , مقابلة عمل , موعد مهـم ,, لكـن هذا المـوعد اللذي استعـد له بالدقيقـه حتـى لاأتـأخر دقيقـه واحـده .

يشـرق صباحي مثـقلا بقائمـة مشاريعي اليـوميـه اللتـي اجـزم انـي لن انجـز منهـا نصفهـا .. لم تزرني تلك الرهبـه اللتي تسبق موعـد المحكمـه كـ اول بداياتـي مع تكـرارها . مع يقينـي بأن قرار القاضي سيكـون التأجيـل .. ولكـن مع تساؤلي متـى ستنتهـي هذه القصـه .. فالكثيـر من التقـدم توقـف بناءا على قراره !

لقراءة المزيد »